Аҡьяр ауыл биләмәһе ауылдарының ағинәйҙәре “Нур” үҫмерҙәр марафонында ҡатнашты. “Ағинәйҙәр” – ҡоро етәксеһе Миңзифа Ишемғлова район ағинәйҙәренең эш тәжрибәһе тураһында һөйләне, бәйгелә ҡатнашыусыларға уңыштар теләне.

“Алтын тирмә” - марафонының үҙәк район китапханаһының башҡорт әҙәбиәте һәм тыуған яҡты өйрәнеү бүлеге янында ойошторолған “Ағинәйҙәр” – клубы рәйесе Менәүәрә Исхаҡ ҡыҙы Бохарбаева башҡорт халыҡ ижады, йолалары,мәҡәлдәре,уйындары,милли кейемдәре, көнкүреше бәйле ҡыҙыҡлы һорауҙар әҙерләп, серле һандыҡ, һандыҡ эсендәге әйберҙе ҡулланышы тураһында аңлатма биреп бик йәнле алып барҙы. Ҡараһыу ауылынан “Ҡараһыу һылыуҙары”, Садовый ауылынан “Аҡ күңелле”, Аҡъяр ауылынан “Алтын ашыҡ” ағинәйҙәре араһында бәйге бик көсөргәнешле барҙы, шулай уҡ ҡул эштәренә күргәҙмә ойошторолдо. “Алтын тирмә” – бәйгеһендә “Алтын ашыҡ” Аҡъяр ауылы ағинәйҙәре иң күп мәрәй йыйып зона ярышына сыҡтылар.