21 февраль көнө Подольск ауыл китапханаһы мәктәп менән берлектә «Рухиәтебеҙ ҡояшы-балалар фольклоры» исемле уйындар программаһын ойошторҙо. Был сарала 14 йәшкә тиклемге балалар ҡатнашты. «Мин ҡояшҡаймын, нурҙарыма ҡойоноғоҙ, дуҫтарым!»-тигән күп мәғәнәләр һалынған һүҙҙәрҙән башланды был сара. Дилә Маннапованың саҡырыуына ҡатнашыусы балалар сәхнәгә сығып баҫты. Китапханасы Кускильдина Г.Б. балалар фольклорының хәс тә ҡояш кеүек булыуын, уның һәр тармағы, йәғни уйындары, әкиәттәре, һамаҡлауҙары, әйтештәре, ырымдары- барыһы ла ҡояшҡайҙың һәр нуры кеүек рухиәтебеҙҙе нурландырыусы һәм балҡытыусы ҡабатланмаҫ сығанаҡ булыуы һәм уның әһәмиәте тураһында һөйләне. Башҡорт теле һәм әҙәбиәте уҡытыусылары Ғалиуллина Р.А. һәм Ғәлиастанова Х.Х. балаларҙы "Уйнайыҡ бергәләшеп» исеме аҫтында ойошторолған боронғо башҡорт уйындарына йәлеп итте. Балаларға бигерәк тә "Соҡор өйәм», "Күмер йөҙөк”, "Аҡ тирәк, күк тирәк” уйындары һәм «Наза” бейеүе оҡшаны. Алдағы көндәрҙә, ҡар ирегәс саф һауала ошо уҡ уйындарҙы уйнайыҡ әле тип кем уҙарҙан үҙ теләктәрен белдерҙеләр балалар йомғаҡлау тамамланғас. Ҡатнаштылар 22 уҡыусы.
|