Уҡытыусы, журналист-әҙип, һуғыш ветераны Әмир Фәттәх улы Моратов, күренекле шағир Төхфәт Мораттың ҡустыһы, үҙенең шиғырҙары, очерктары менән билдәле. Әмир Фәттәх улы 1926 йылда Йылайыр районы Ишембәт ауылында тыуған. Ул ҡәләм ҡөҙрәтен бала саҡтан уҡ белеп, татып үҫә. Башҡортостандың атҡаҙанған уҡытыусыһы, журналистар союзы ағзаһы, уның шиғырҙары, хикәйә, очерктары төрлө йыйынтыҡтарға, әҙәби альманахтарға ингән. Бөйөк Еңеүҙең 70 йыллығы алдынан бер ҡомартҡы булһын тигән маҡсатта, ҡыҙы Гөлсирә Иҙрисова Әмир Моратовтың ижадының бер өлөшөн “Яҙмыш менән һөйләшеү” исемле китапка туплай. Китап 2013 йылда Өфө “Китап” нәшриәтендә баҫылып сыға. Әмир Моратовтың балалары шағирҙың китаптарын үҙәк район китапханаһына бүләк итте. Китапта төрлө йылдарҙа ижад ителгән очерктарында, шиғырҙарында авторҙың һуғыш осоронда үткән ғүмере, кисерештәре, Ер, ил, кеше һәм замана яҙмышы хаҡындағы уйланыуҙары, хәүефләнеүҙәре урын ала. Үҙәк район китапханаһына рәхим итегеҙ.
|