«Ижад тамырҙары- тыуған ерҙә» промоакцияһы сиктәрендә Мәмбәт ауыл мәҙәниәт йортонда Мәмбәтов Исламитдин Ризаитдин улы, Аралбаев Ҡәҙим Әбделғәлим улы һәм Шмельков Әлфир Карам улының ижады һәм тормош юлы тураһында “Тамырҙарым тыуған еремдә” исемле ижади кисә үтте. Алып барыусылар Рәхмәтова Р.М., Мәмбәтова В.Х. тамашасыларҙы ырыуҙаштары, халыҡ шағиры Ҡ. Аралбайҙың ижады менән таныштырҙылар, тормош юлы тураһында бәйән иттеләр. Уҡыусылар Биишева Диана һәм Мәмбәтова Илзирә шағирҙың шиғырҙарын бик оҫта итеп башҡарҙылар. Уҡытыусы, мәктәп китапханасыһы Зинира Рәсүл ҡыҙы Рафиҡова шағирға арнап яҙған шиғырын уҡып ишеттерҙе, хәтирәләре менән уртаҡлашты. Ә инде Ҡәҙим Аралбай һүҙҙәренә яҙылған “Үҙ йондоҙоң” йырын башҡарыуы тамашасыларҙы йәнләндереп ебәрҙе. Мәмбәт ауылы ағинәйҙәре башҡарыуында яңғыраған шағирға бағышлауҙар тамашасыларға бигерәк тә оҡшаны. Маҡан ауыл китапханасыһы Кәримова Фатима Фуат ҡыҙы “Даланың даланлы улы” китап күргәҙмәһенә байҡау яһаны.
Кисәнең икенсе өлөшөндә ауылдашыбыҙ Исламитдин Ризаитдин улының тормошо һәм хеҙмәт юлы менән танышып, слайдтар ҡарау ойошторолдо. Шмельков Әлфир Карам улы тураһында мәғлүмәт бирелде. Кисә бейеүҙәр, йырҙар, йәнле фекер алышыуҙар, хәтирәләр менән менән үрелеп барҙы. Тамашасылар бик ҡәнәғәт булып таралыштылар.
|