3 мартта Бөтә донъя яҙыусылар көнө билдәләнә. Вәлит ауыл китапханаһы тарафынан был дата айҡанлы «Әҙибе бар халыҡ бәхетле» исемле әҙәби сәғәт үткәрелде. Сарала 6 класс уҡыусылары ҡатнашты. Уҡыусылар башҡорт халыҡ яҙыусыларының әҫәрҙәрен иҫкә төшөрҙө, викторина һорауҙарына яуап бирҙе. Аҙаҡ китапханасы Аслаева Хәлиҙә Йыһанур ҡыҙы йәш яҙыусылар тураһында ла һөйләп үтте. А. Баймөхәмәтовтың «Ҡалдырма, әсәй!» китабы менән таныштырҙы һәм әҫәрҙән өҙөк тәҡдим итте. Балаларҙың әҙәбиәт менән ҡыҙыҡһыныуы шатландырҙы.
|