10- сы  февраль, көндөң сатлама һыуыҡ булыуына ҡарамаҫтан, Әбеш ауылы халҡы мәҙәниәт йортона экология йылына арналған "Еребеҙ береү генә" исемле әҙәби- музыкаль кисәгә йыйылды. Кисә "Сәскәләр" бейеүе менән башланһа, артабан һүҙ ауыл хакимиәте башлығы Таһир Мөғлитдин улы Юнысовҡа бирелде.

     Ул үҙенең сығышында тәбиғәтте, үҙебеҙ йәшәгән ерҙе һаҡларға, уларҙың киләсәгенә булмаҫҡа саҡырҙы. Йырҙар, бейеүҙәр "Алтын битлек" һәм "Тамсылар" балалар театры клубтары  (етәкселеләре Кускильдина М.Х., Ибраһимова Н.Г.)тарафынан әҙерләнгән театраллаштырылған тамаша менән үрелеп барҙы. Мәктәп уҡыусылырының башҡарыуында тыуған ер, тәбиғәт тураһында шиғырҙары, Ф. Ибраһимовтың ҡурайҙа өҙҙөрөп уйнауы һәм башҡорт халыҡ йыры "Урал"ды йырлауы, "Йәйғор" балалар баҡсаһы тәрбиәләнеүселәренең "Күбәләктәр" бейеүе (етәксеһе А. Сурина), ағинәйҙәрҙең "Шәл" һәм  " Гөлнәзирә" бейеү коллективының  "Игенселер" бейеүҙәре, "Шеп егеттәр" вокал төркөмөнең ( етәксеһе Ф. Ибраһимов) йырҙары кисәгә йәм өҫтәне.

    Шулай уҡ һер тамашасы  экология йылына арналған "Йәнтөйәк" исемле китап күргәҙмәһендәге китаптар һәм альбомдар менән танышты.