Юлбарыҫ ауылында “Ағинәйҙәр” клубы ойошмаһы, ветерандар һәм ҡатын - ҡыҙҙар советы әүҙем эшләй. Өс ойошманың етәкселәре Гөлсинә Ишмырҙа ҡыҙы Мәғәфүрова, Фәйрүзә Ғүмәр ҡыҙы һәм Лилиә Мирғәли ҡыҙы Таймасовалар кәңәшләшеп, ауыл ҡатын – ҡыҙҙары өсөн “Дарман” йыр – моң байрамы ойошторҙо.
Ике командаға бүленеп исем, девиз,йыр һайланыҡ, ҡаршы команда һәм тамашасылар өсөн сәләмләү әҙерләнек. Тәүге бәйгенең шарты буйынса барыһын да оригиналь ҡотларға кәрәк ине. “Ҡыҙ бала” командаһы йырлап ҡотлаһа, “Һылыуҡайҙар” командаһы төрлө йырҙарҙан өҙөктәр килтереп ҡатын – ҡыҙҙарҙы тәбрикләне. Артабан бәйгеселәр өсөн “Йырлы һорауҙарға - йырлы яуаптар” конкурсы иғлан ителде. Һигеҙ төрлө һорауға яуап тоттоҡ. Киләһе һанауҙа “Йырҙы дауам ит”ергә тейеш инек. Һәр конкурс концерт номерҙары менән үрелеп барҙы. Бынан тыш ҡара – ҡаршы таҡмаҡтар әйтешеү һәм башҡа төрлө ҡыҙыҡлы бәйгеләр ойошторолдо.
Жюри ағзалары уйында ике команданың көсө бер тигеҙ булыуын, дуҫлыҡ, татыулыҡ еңеүен иғлан итте. Барыһы ла был саранан ҡәнәғәт булып таралышты.
|