Быҙаулыҡ ауыл китапханаһында район китапханалары  араһында барған “Китапхана прайм-таймы, китапхана ижад территорияһы” исемле имиджлы конкурс сараһын яҡлау проекты буйынса, шулай уҡ Республика көнөнә арналған «Башҡортостан-тыуған йортом» тип исемләнгән «Алтын тирмә» бәйгеһе ойошторолдо. Бәйгелә Быҙаулыҡ башланғыс мәктәбе уҡытыусылары «Шоңҡар»,балалар баҡсаһы хеҙмәткәрҙәре “Аҡбуҙат» командалары көс һынашты.Был сараға әҙәбиәткә,башҡортостанға арналған төрлө һорауҙар алынды.Бәйге йыр,бейеү менән дә биҙәлде.

Был сарала ауыл китапханаһында иң күп китап уҡыусы- Байгужина Таңһылыу апайҙы маҡтау ҡағыҙы һәм иҫтәлекле бүләк тапшырып әҙәбиәт йылы менән ҡотлап үтелде.

Бәйге булғас еңеүсеһе лә була,шулай итеп «Шоңҡар» командаһы еңеүсе итеп билдәләнде,бәйгеселәргә маҡтау ҡағыҙы,бүләктәр тапшырылды.

Сараға ике Башҡортостан мәғариф отличнигы,заслуженный животновод БАССР,хеҙмәт ветерандары саҡырылды,ҡатнашыусыларға рәхмәт әйтеп,байрам менән ҡотлап «Шишмәкәй» вокал ансамбле башҡарыуында «Мин-башҡорт» йыры менән тамамланды.

Был сарала Еңеүҙең 70 йыллығына «Мәңгелек хәтер», «Йән төйәгем-Хәйбулла»,Рәсимә Ураҡсинаның тыуыуына 65 йыл юбилейына арнап «Башҡортостаным-йәннәтем» күргәҙмәләре,шулай уҡ «Китапхана тормошо”,китап тураһында фотостендтар ҡуйылды.