1 октябрҙә Рәсәйҙә Халыҡ-ара ололар көнө билдәләнеп үтте. Күп кенә учреждениелар өлкән йәштәгеләрҙе хөрмәтләп, байрам менән ҡотланы, бүләктәр бирҙе, матур-матур саралар үткәрҙе.
Ауыл мәҙәниәт йорттарында ла ошо уңай менән бай йөкмәткеле саралар ойошторолдо. Ауыл хакимиәте етәкселәре ветерандарҙы байрам уңайы менән ихлас ҡотлап, намыҫлы хеҙмәттәре өсөн рәхмәт белдерҙеләр, ололарҙың фиҙаҡәр эшен лайыҡлы дауам итергә саҡырҙылар.
Байрам программаһына мәҙәниәт хеҙмәткәрҙәре һәм ауыл биләмәһе үҙешмәкәрҙәре сығышы йәм өҫтәне.
Беҙҙең китапханасыларҙа был саранан ситтә ҡалманы. Байғусҡар, Татыр-Үҙәк, Өфө, Быҙаулыҡ ауылдарында ла күркәм саралар үтте.
Байғусҡар ауылында ололарҙы тәбрикләү тантанаһында “Йәш беҙҙең күңелдәр” исемле “Ағинәйҙәр” ойошмаһы булдырылды. Онотолоп барған халыҡ йолаларын тергеҙеү, киләһе быуынға таппшырыу маҡсатында булдырылған был ойошма ауыл китапханаһында эшләйәсәк. Ойошманың етәксеһе Әлфиә Бикмырҙа ҡыҙы Акилова.
Байгускаровская сельская библиотека
Байгускаровская сельская библиотека
Татыр-Узякская сельская библиотека
Уфимская сельская библиотека
| 
