Районыбыҙҙа барған “Китапхана прайм-таймы, китапхана ижад территорияһы” исемле имидж конкурсы сараһын яҡлау проекты сиктәрендә Ғәлиәхмәт ауыл китапханаһы Башҡортостан яҙыусылары һәм шағирҙары ижады буйынса “Китап беҙҙе берләштерә”тигән библиомарафон-викторина үткәрҙе. Был сарала ике команда (“Башҡортостан” һәм”Узала”) ҡатнашты. Уйын араһында халыҡты ял иттереп “Ағинәйҙәр”ҡоро, И.Юнысов, С.Ултраҡов йырҙары менән, Ф.Кужагилдина бейеүе менән ҡыуандырҙылар.
Ҡитапхана эргәһендә эшләп килгән балалар ҡурсаҡ театры тамашасыларға “Сибәркәй” исемле әкиәт күрһәтте.
Әбүбәкер ауылы китапханаһында “Иле ныҡтың биле ныҡ” тигән музыкаль композиция булып үтте. Был сарала ауылдың аҡһаҡалдары һәм “Ағинәйҙәр” ҡоро, мәктәп уҡыусылары әүҙем ҡатнашты. Ауылдың тарихын, колхозлашыу һәм һуғыш осорон сәхнәләштерҙеләр.
|