3 март үҙәк район китапханаһының башҡорт әҙәбиәте һәм тыуған яҡты өйрәнеү бүлеге  әҙәбиәт йылына арналған “Донъя серен – йондоҙҙарҙан эҙләп”  исемле әҙәби – музыкаль кисә ойошторҙо.

Китапхана бүлеге мөдире Рәмилә Зәкир ҡыҙы Фәйзуллина ауылдың йөҙөк ҡашы булған “Ағинәйҙәр”, “Аҡһаҡалдар” клубы менән ғүмер һуҡмағын һүтеп, уларҙың бер – береһе менән аралашыу маҡсатында үткәреүе хаҡында бәйән итте.   

“Ағинәйҙәр” клубы рәйесе Менәүәрә  Исхаҡ ҡыҙы Бохарбаева байрам алдынан барыһында 8 март ҡатын –ҡыҙҙар көнө менән ҡотланы, алдағы эшләнәсәк эштәр менән таныштырҙы.

Был сараға әҙәбиәтте һөйөүселәр Рәйсә Фәхриева, шиғырҙар ижад итеүселәр Мәрфүға Азаматова, Зилә Кужабекова, Вәсилә Антал, Йомабикә Байғабулова, башҡорт халыҡ йолаларын халыҡҡа еткереүсе Әсмә Усманова, башҡорт халыҡ йырҙарын башҡарыусылар Шафиҡ Ҡарабаев, Милә Бураншина, Ғилминур Илембәтова, мөнәжәтсе Тәнзилә Ҡыҙрасова, Рәймә Вагапова, башҡорт халыҡ инструменттарында уйнаған Фәрит Ҡоҙабаев, Роза Юлдашбаева, ижадтың бөтә тәрәнлектәрендә ихтирам иткән Эльвира Такалова, Алһыу Юлдашбаевалар үҙҙәренең ижады аша “Һеҙгә әйтер һүҙем бар” тип күңел төбөндә ятҡан әйтер һүҙҙәрен әйттеләр, сығыш яһанылар.  Йәнле рәүештә үткән кисә ҡатнашыусыларға илһам, дәрт өҫтәне, артабан да был кисәне киңерәк күләмдә үткәрергә тигән байрам кәйефе менән таралыштылар.