Иҫәнгилде ауылы элек - электән бағымсылар төйәге булыуы менән дан тотҡан. Ауылды уратып алған хозур тәбиғәт: Ташкүл, Аҡҡош күле ,Йомортҡалы күле ,Зәм-зәм   шишмәһе, Буранбай үҙәге, Ҡара ҡабаҡ буйы быға сәбәпсе түгел микән ?

      Бағымсы, быуын ултыртыусы Байгильдина Нурия инәйебеҙҙе районда ғына түгел, республикала ла белделәр, хөрмәт иттеләр. Ҡулдарының име бар тейҙәр ине уның хаҡында. Шөкөр, данлыҡлы Нурия инәйебеҙҙең изге эшен ҡыҙы Маһира ,ейәнсәрҙәре Миңһылыу һәм Нәсимә дауам итә. Ә инде өшкөрөү, күҙ тейеүҙән ярҙам итеү, бетеү яҙып биреү буйынса Мәғүҙә Мостафа   ҡыҙы Иҫәнгилдинаға мөрәжәғәт итәләр.

... Читать дальше »